अनलाइन शो खबर संवाददाता
१६ पुष, २०७७ काठमाडौँ । मिस युनिभर्स नेपाल २०२० को बिजेता अन्सिका शर्मा बनेकी छिन् । बुधबार भएको प्रतियोगितामा पहिलो रनर्सअप सुजिता बस्नेत बनेकी छिन् भने दोस्रो रनर्सअप निनाकान्त मण्डल बनेकी छिन् ।
मिस युनिभर्स बिजेताले १० लाख पुरस्कार प्राप्त गरेकी छिन् ।
यो वर्ष मिस युनिभर्सको प्रतियोगिता छुट्टै आयोजना गरिएको थियो ।
यसअघि मिस नेपाल आयोजना गर्दै आएको हिडन ट्रेजरले नै मिस युनिभर्ससँग सहकार्य गर्दै आएको थियो ।
गत फागुनमा नै मिस युनिभर्सले हिडन ट्रेजरसँग सहकार्य नगर्ने जनाएको थियो ।
