अनलाइन शो खबर संवाददाता
४ कार्तिक, २०७८ गोरखाको आरुघाट गाउँपालिका १ माझीगाउँमा बुधबार राति साढे ११ बजे मिनी ट्रक दुर्घटना हुँदा चालकको मृत्यु भएको छ । ट्रकमा सवार दुईजना घाइते भएका छन् ।
मृत्यु हुने चालक धादिंङ गंगाजमुना गाउँपालिकाका मनोज श्रेष्ठ रहेको प्रहरीले जनाएको छ । घाइते हुनेमा आरुघाट गाउँपालिकाका राजकुमार गुरुङ र दिब्य गुरुङको गोरखामा नै उपचार भैरहेको छ ।
आरुघाटबाट धुन्चेततर्फ बालुवा लिएर जाँदै गरेको बा५ख १२३१ नम्बरको ट्रक अनियन्त्रित भइ सडकबाट करिब १५० मिटर तल खसेको हो । घटनाबारे थप अनुसन्धान भइरहेको प्रहरीले जनाएको छ ।
