काठमाडौँ । भर्खरै नायक पल शाह पक्राउ परेका छन् । उनले आफै तनहुँ जिल्ला प्रहरी कार्यालय पुगेर अत्मसमर्पन्न गरेका हुन् । यसको जिल्ला प्रहरी कार्यालयले पुष्टि गरेको छ ।

यसअघि शाहले आजै प्रहरीमा आत्मसमर्पण गर्ने बताएका थिए ।  उनि विरुद्ध जबर्जस्स्ती करनी गरेको आरोपमा गत बुधबार जिल्ला प्रहरी कार्यालय तनहुँमा जाहेरी परेको थियो । त्यसयता उनी फरार रहँदै आएका थिए ।
आइतबार सामाजिक सञ्जालमार्फत उनले स्वास्थ्य समस्याका साथै केही घरको सबै व्यवहार मिलाउनुपर्ने भएकाले प्रहरीमा उपस्थित हुन नसकेको बताएका थिए ।

‘मेरो आफ्नो स्वास्थ्य स्थिति बिग्रिएको हुनाले साथै घरको सबै घर व्यवहार मिलाउनु परेकाले र मेरो फिल्म ‘म यस्तो गित गाउँछु २’ गत शुक्रबारदेखि नेपाल भर प्रदर्शन भएका कारण फिल्मलाई असर नपरोस् भनि म प्रहरी सामु उपस्थित हुन नसकेकोमा माफी माग्न चाहन्छु’, उनले सामाजिक सञ्जालमार्फत भनेका थिए, ‘नेपालको कानुनलाई सम्मान गर्दै आज (आइतबार) नेपाल प्रहरी सामु म आफै उपस्थित हुने जानकारी सम्पूर्णमा दिन चाहन्छु ।’