असोज ६, काठमाडौँ । प्रधानमन्त्री प्रचण्ड एक साता लामो भ्रमणका लागि चीन पुगेका छन् । संयुक्त राष्ट्र संघको महासभामा भाग लिएर प्रधानमन्त्री प्रचण्ड उतैबाट चीन पुगेका हुन् । प्रधानमन्त्री प्रचण्डलाई विमानस्थलमा चीनको केन्द्रीय जनसरकारका स्पोर्ट्स मिनिस्टर एवम्  १९ औं  एसियन गेम्स १०२३ का अध्यक्षले स्वागत गरेका छन् ।

प्रधानमन्त्री प्रचण्ड र चिनिया राष्ट्रपति सी जीनपिङ बीच आजै भेटघाट हुने भएको छ । १९ औं एसियाली खेलकुदको उद्घाटन समारोहमा सहभागी हुन सी पनि हाङजाओमा रहने भएकोले त्यहीँ भेटवार्ताको तय भएको छ ।