काठमाडौँ । नेपाली फिल्म क्षेत्रकि चर्चित नायिका करिश्मा मानन्धरलाई महानायिकाको पदवीबाट सम्मान गरिएको छ । शनिबार आरके ईन्टरटेनमेन्ट ग्रुपको २० औं बार्षिक उत्सवको अवसरमा करिश्मालाई महानायिकाको उपाधिबाट सम्मानित गरिएको  हो । उनले नेपाली फिल्म क्षेत्रमा पुर्याएको अतुलनिय योगदानको कदर गर्दै महानायिकाको उपाधिबाट सम्मान गरिएको आयोजकले बताएको छ । करिश्माले १४ बर्षको उमेरमा नेपाली फिल्म क्षेत्रमा डेब्यु गरेकी थिइन् भने उनले सयौं नेपाली फिल्ममा अभिनय गरिसकेकी छिन् ।

यो भन्दा १२ बर्ष अगाडी राजेश हमाललाई महानायकको उपाधीबाट सम्मान गरिएको थियो । करिश्मालाई महानायक राजेश हमालले नै महानायिका लेखिएको ताज लगाइदिएका थिए। कार्यक्रममा विभिन्न क्षेत्रमा बसेर देश र समाजका लागि महत्वपुर्ण योगदान पुर्याउनुहुने बिभिन्न व्यक्तित्वहरुलाई राष्ट्रिय सम्मान प्रदान गरिएको थियो। सम्मानित हुनेहरुमा कुलमान घिसिङ्ग, डाक्टर भोला रिजाल, जीवन चलाउने लगायत रहेका थिए ।