काठमाडौँ । प्रकाश सपुतको तीजको गीत कुरा बुझ्न पर्छ करोड क्लबमा प्रवेश गर्न सफल भएको छ । उक्त गीतलाई युट्युबमा अहिलेसम्म एक करोड बढीले हेरेका छन् ।

यो गीत युट्युब ट्रेन्डिङको नम्बर एकमा रहेका छन् । १५ दिन अगाडी युट्युबमा अपलोड गरिएको गीतलाई दर्शकले अत्यधिक रुचाएका छन् । यो गीतमा प्रकाशको शब्द संगीत रहेका छन् भने शान्ति श्री परियार र समिक्षा अधिकारीले स्वर दिएका छन् । यो गीतमा स्वस्तिमा खड्का र आंचल शर्मा लगायतले अभिनय गरेका छन् । यस्तै यो गीतको निर्देशन पनि प्रकाश आफैले गरेका हुन् ।

यो गीतको भिडियो निकै आकर्षक बनेको छ भने गीतको शब्द चयन यसको अर्को सफल पक्ष हो । प्रकाशले यो गीतको शब्द चयनमा निकै मेहेनत गरेका छन् भने भिडियोलाई फरक तरिकाले प्रस्तुत गर्न उनि सफल भएका छन् । प्रकाश सपुत दर्शकलाई फरक स्वाद दिन निकै माहिर मानिएका छन् । त्यसैले गर्दा उनको गीत हरेक पटक सुपर डुपर हीट हुने गर्दछन् । यो तीजको गीत मात्रै नभएर सन्देशमुलक पनि रहेको छ। यस गीतबाट उनले केहि सामाजिक संदेश पनि प्रवाह गर्न सफल भएका छन् ।