गोरखा । सिरानचोक गाउँपालिकाको अध्यक्ष पदमा नेपाली कांग्रेसका तर्फबाट उम्मेदवार ज्ञानेन्द्र गुरुङ विजयी भएका छन् । उनले ५४०३ मत ल्याएर निर्वाचित भएका हुन् । यस्तै उनको प्रतिद्वन्दी नेकपा माओबादी केन्द्रका तर्फबाट उम्मेद्वार नवराज पुडासैनीले  ४,१६८ मत ल्याएका छन् । पुडासैनी १२३५ मतले ज्ञानेन्द्र गुरुङ संग पराजित भएका हुन्।

यस्तै उपाध्यक्षमा नेपाली कांग्रेसका उम्मेदवार रिता देवकोटा ४,८०४ मत सहित विजयी भएकी छन् । उनका निकटतम प्रतिद्वन्द्वी नेपाल कम्युनिष्ट पार्टी (माओवादी केन्द्र)का उम्मेदवार पूर्णकुमारी ढकालले ३,९०२ मत ल्याएकी छन् ।

सिरानचोक गाउँपालिकामा ८ वटा वडा मध्ये नेपाली कांग्रेसले ४ वडामा प्यानल सहित र वडा नम्बर ८ मा वडा अध्यक्ष जितेका छन् । वडा नम्बर २ मा नेपाली कांग्रेसका तर्फबाट उम्मद्वार खुसीमान गुरुङ निर्वाचित भएका छन् । उनले ८०९ मत ल्याएर बिजयी भएका हुन् । उनको प्रतिद्वन्दी नेकपा माओबादी केन्द्रका उम्मेदवार धन बहादुर गुरुङले ४५० मत ल्याएर पराजित भएका छन् ।

यस सिरानचोक गाउँपालिकाको जनसंख्या १९,८२९ रहेका छन् । पुरुष मतदाता संख्या १०८०३ र महिला मतदाता संख्या १०,५१५ गरि जम्मा २१,३१८ मतदाता रहेका छन् ।