काठमाडौँ । नेपाल आयल निगमले इन्धनको मूल्य घटाएको छ । निगमले शुक्रबार राति १२ बजे देखि लागु हुने गरि इन्धनको मूल्य घटाएको हो । निगमले पेट्रोल डिजेल र मट्टीतेलमा ३/३ रुपयाँ मूल्य घटाएको छ ।

घटेको पेट्रोलको मूल्य प्रति लिटर १७८ डिजेल र मट्टीतेलको मूल्य प्रति लिटर १७५ रुपयाँ कायम गरिएको छ । यस अघि पेट्रोलको मूल्य १८१ थियो भने डिजेल र मट्टीतेलको मूल्य १७८ रुपयाँ रहेको थियो ।

भारतीय आयल कर्पोरेसन (आईओसी)ले नेपाल आयल निगमलाई इन्धनको मूल्य घटाएर नयाँ सूची पठाएसँगै नेपालमा मूल्य घटेको हो । आईओसीले शुक्रबार पठाएको सूचीअनुसार पेट्रोल प्रतिलिटर ६ रुपैयाँ ९० पैसा, डिजेल १२ रुपैयाँ ३१ पैसा तथा हवाई इन्धन १० रुपैयाँ ६१ पैसा घटेको छ ।