काठमाडौँ । गोरखा – आँबुखैरेनी सडकखण्डमा पहिरो जादा सडक अवरुद्ध भएको छ । उक्त सडकअन्तर्गत पर्ने गोरखा नगरपालिका–१२ स्थित नौ किलोदेखि पाँच किलोसम्म तीन ठाउँमा ठूलो पहिरो खसेर पूर्ण रुपमा सडक अवरुद्ध भएको छ । शुक्रबार बिहान ३ बजे तिर पहिरो खस्दा सडक अवरुद्ध भएको स्थानीयले बताएका छन् ।

अहिले गोरखा नगरपालिकाले पहिरो हटाउने काम गरिरहेको छ । तर सानो सानो पहिरो जाने क्रम नरोकिदा पहिरो हटाउन समस्या भईरहेको बताएको छ । पहिरो हटाउनका लागि सडक विभाग तनहुँबाट झिकाएर सडक संचालन गर्ने प्रयास भईरहेको छ ।

गोरखा पृथ्वी राजमार्ग हुँदै गोरखा सदरमुकाम प्रवेश गर्ने सम्पूर्ण सवारी साधन पूर्ण रुपमा ठप्प भएको छ ।