काठमाडौँ । युरोकप अन्तर्गत शनिबार भएको खेलमा जर्मनीले पोर्चुगललाई हराएका छन् । जर्मनीले पोर्चुगललाई ४-२ ले हराएको हो ।

जर्मनीको घरेलु मैदानमा भएको खेलमा जर्मनीले उत्कृष्ट अनि आक्रामक प्रदर्शन गरेका थिए । खेलमा पहिलो हाफको १५ औं मिनेटमा क्रिस्टियानो रोनाल्डोले  गोल  गरेका थिए भने त्यसको काउन्टरमा जर्मनीले खेलको ३५ औं मिनेटमा गोल गरेर बराबरी गरेका थिए । यस्तै खेलको ३९ औं मिनेटमा फेरी जर्मनीले १ गोल गरेर पहिलो हाफमा २-१  अग्रता बनाएको थियो । यस्तै  यस्तै ३९औं मिनेटमा राफेल गुरेइराले पनि आत्मघाती गोल गरेपछि पहिलो हाफमा जर्मनीले २-१ को अग्रता बनायो ।

दोस्रो हाफको सुरुवातमा नै काइ हाभर्टजले जर्मनीका लागि तेस्रो गोल गरे भने रोबिन गोसेन्सले जर्मनीको अग्रता फराकिलो बनाए । पोर्चुगलले मुख्य प्रतियोगितामा हालसम्म दुई पटक मात्र एकै खेलमा चार गोल खाएको छ । दुवै पटक विपक्षी टोली जर्मनी रहेको छ ।

६७ औँ मिनेटमा डिआगो जोटाले पोर्चुगललाई फर्काउने प्रयास गरे पनि त्यसपछि कुनै गोल हुन सकेन ।

ग्रुप अफ डेथ मानिएको समूह एफमा फ्रान्स ४ अंकसहित शीर्ष स्थानमा रहेको छ । जर्मनी र पोर्चुगलको ३–३ अंक रहेको छ ।