• २०८१ चैत्र २१, २०८१ ०८:३८

महिला फुटबलमा म्यानमारसंग नेपाल पराजित

अन्तर्राष्ट्रिय महिला फुटबल प्रतियोगिताको फाइनल खेलमा नेपाल म्यानमारसंग पराजित भएको छ । काठमाडौँको दशरथरंगशालामा  बुधबार भएको खेलमा म्यानमारले २ गोलले नेपाललाई पराजित गरेको हो । नेपाल र म्यानमारबीच भएको खेलमा पहिलो हाल्फ़सम्म दुवै टिमले गोल गर्न सकेको थिएन ।  तर दास्रो हाल्फ़को खेलमा भने म्यानमारले ६२ औं मिनेटमा एक गोल गर्दै अग्रता दिलाएको थियो । पहिलो गोल गरेको २ मिनेट पछि अर्थात् ६४ औं मिनेटमा फेरी म्यानमारले थप एक गोल गर्दै नेपाललाई २ – 0  ले पराजित गरेको हो ।

नेपाल र म्यानमार बीच भएको रोमान्चक अन्तराष्ट्रिय महिला फुटबल प्रतियोगितामा नेपालले गोल गर्ने अवसर नपाएको भने होइन तर नेपालले गोलमा परिणत गर्न सकेन । नेपालले यो पटक पनि अन्तराष्ट्रिय महिला फुटबल प्रतियोगितामा जित हासिल गर्न असफल भएको छ । नेपाल १३ औं पटक सम्म फाइनलमा पुगेको थियो ।